kotak-kanya-scholarship-2023-online-registration-notification
కోటక్ ఎడ్యుకేషన్ ఫౌండేషన్ కోటక్ కన్య స్కాలర్షిప్ 2023 కోసం 12వ తరగతి ఉత్తీర్ణత సాధించిన, 85% కంటే ఎక్కువ ఉత్తీర్ణత సాధించిన మరియు వార్షిక కుటుంబ ఆదాయం రూ. 6,00,000 కంటే తక్కువ లేదా సమానమైన బాలికల నుండి దరఖాస్తులను ఆహ్వానిస్తుంది.
Kotak Mahindra : అమ్మాయిలకు రూ. 1 లక్షా 50 వేల స్కాలర్షిప్.. డిగ్రీ, ఇంజినీరింగ్, ఎంబీబీఎస్‌.. ఏ కోర్సులో చేరిన వారైనా అర్హులే..!
Kotak Kanya Scholarship 2023 : ప్రస్తుతం అమ్మాయిలు చదువులో ముందు వరుసలో ఉంటున్నారు. తమదైన ప్రతిభ కనబరిచి టెన్త్‌, ఇంటర్‌, ఇతర పోటీ పరీక్షల్లో టాపర్లుగా నిలబడుతున్నారు. కానీ.. వారిలో ఉన్నత చదువులు చదివే వారి సంఖ్య మాత్రం తక్కువగా ఉంటోంది. దీనికి కారణం కుటుంబ ఆర్థిక పరిస్థితులు. ముఖ్యంగా గ్రామీణ ప్రాంతాల్లో చదివే అమ్మాయిలు ఆర్థిక పరిస్థితులు అనుకూలించక ఉన్నత చదువులు చదవలేకపోతున్నారని పలు సర్వేలు చెబుతున్న విషయం అందరికీ తెలిసిందే. ఇలాంటి వారికి కోటక్ ఎడ్యుకేషన్ ఫౌండేషన్ తమ వంతు సహాయం అందిస్తోంది. ఆర్థికంగా వెనుకబడిన ప్రతిభగల అమ్మాయిలకు స్కాలర్‌షిప్‌లను అందిస్తోంది. తాజాగా 2023 సంవత్సరానికి సంబంధించి నోటిఫికేషన్‌ విడుదలైంది. వివరాల్లోకెళ్తే
Kotak Kanya Scholarship - అర్హతలు:
- ఆర్థికంగా వెనుకబడిన యువత, విద్యార్థులకు చదువు, ఉపాధి అవకాశాలను కల్పించడానికి కోటక్ మహీంద్రా (Kotak Mahindra) గ్రూప్ 2007లో కోటక్ ఎడ్యుకేషన్ ఫౌండేషన్‌ను నెలకొల్పింది. ఈ క్రమంలో ఇంటర్‌ పూర్తి చేసి ప్రొఫెషనల్ డిగ్రీ కోర్సుల్లో ప్రవేశం పొందిన అమ్మాయిలకు ఆర్థిక సహాయం అందించడానికి ‘కోటక్ కన్య స్కాలర్షిప్’ (Kotak Kanya Scholarship) పేరుతో దరఖాస్తులను ఆహ్వానిస్తోంది. దీనికి దరఖాస్తు చేసుకోవడానికి సెప్టెంబర్‌ 30 చివరి తేదీ.
- డిజైన్‌, ఆర్కిటెక్చర్‌, ఎంబీబీఎస్‌, ఇంజినీరింగ్, ఇంటిగ్రేటెడ్‌ ఎల్‌ఎల్‌బీ.. వంటి ప్రొఫెషనల్ డిగ్రీ కోర్సుల్లో ఫస్టియర్‌ అడ్మిషన్‌ పొందిన వారు అర్హులు. (ఆ కాలేజీలు NAAC / NIRF గుర్తింపు/ర్యాంకింగ్ పొంది ఉండాలి).
- 12వ తరగతి లేదా ఇంటర్‌లో 85 శాతం మార్కులు వచ్చి ఉండాలి.
- అన్ని వనరుల ఆదాయం కలుపుకొని సంవత్సరానికి కుటుంబ ఆదాయం 6 లక్షల కంటే తక్కువగా ఉండాలి.
- కోటక్ మహీంద్రా గ్రూప్, కోటక్ ఎడ్యుకేషన్ ఫౌండేషన్, బడ్డీ4స్టడీకి సంబంధించిన ఉద్యోగుల పిల్లలు ఇందుకు అనర్హులు.
- దేశ వ్యాప్తంగా ఉన్న విద్యార్థినులు ఈ స్కాలర్‌షిప్‌కు దరఖాస్తు చేసుకోవచ్చు.
- Kotak Kanya Scholarship - ప్రయోజనాలు:
- ఈ స్కాలర్‌షిప్‌నకు ఎంపికైన అమ్మాయిలు కోర్సు పూర్తయ్యే వరకు సంవత్సరానికి 1.5 లక్షల రూపాయల వరకు పొందే అవకాశం ఉంటుంది.
- అర్హత, ఆసక్తిగల విద్యార్థినులు అప్లయ్‌ చేసుకోవడానికి, పూర్తి వివరాలు తెలుసుకోవడానికి కింది వెబ్‌సైట్లు చూడొచ్చు.
- KOTAK KANYA SCHOLARSHIPS ONLINE LINK
- KOTAK KANYA SCHOLARSHIPS NOTIFICATION